Waqt Se Waqt Ki Kya Shikayat Karein,
Waqt Hi Na Raha Waqt Ki Baat Hai.

Uss Ney Dekha Muje Ussney Chaha Muje,
Ussnay Thukra Diya Waqt Ki Baat Hai.

Koi Mushkil Parri Koi Kaam Aa Gaya,
Zehan Mein Usskay Jo Mera Naam Aa Gaya.

Baad Muddat Ke Woh Doston Ki Tarrah,
Hum Se Huss Ke Milla Waqt Ki Baat Hai.

Zindagi Hum Say Anjaan To Ho Gai,
Ek Rishtay Ki Pehchaan To Ho Gayi.

Koi Chahat Na Thi Bas Murrawatt Thi,
Woh Khud KO Samjha Liya Waqt Ki Baat Hai.

Apna Rang-e-Muhabbat Hai Sab Se Juda,
Koi Pochhay To Rashid Kahon Or Kya.

Jiss ko Payaa Nahi Ussko Kho Ker Bhi Main,
Kiyon Ussi Ka Raha Waqt Ki Baat Hai !!chanchal!!


Is Qadar Door Jate Hain Wo,
Ki Bahut Yaad Aate Hain Wo,
Khauf Ki Ek Siyaah Raat Mein,
Jaise Deepak Bujhate Hain Wo,
Zindagi Ke Har Ek Mod Par,
Hausla Phir Badhate Hain Wo,
Zulf Hai Ya Hai Kaali Ghata,
Jaise Barkha Bulate Hain Wo,
Chant Gayi Chand Ki Roshni,
Rukh Se Parda Uthate Hain Wo,
“Raaz” Ki Baat Hai Doston,
Apna Mahram Batate Hain Wo.